‘नरसिंहा अवतार’मा राज कटुवाल र सनिशा भट्टराईको आकर्षक केमेस्ट्री : नयाँ तस्बिर सार्वजनिक

काठमाडौं  । नेपाली फिल्म ‘नरसिंहा अवतार’ वि.संं.२०८२ को नयाँवर्षको अवसरमा चैत २९ गते प्रदर्शनको तयारीमा छ। यो फिल्म दर्शकहरूका बीच अत्यधिक प्रतीक्षित रहेको छ, जहाँ पुरानो र नयाँ पुस्ताका कलाकारहरूको उत्कृष्ट मिश्रण देख्न पाइनेछ।

यस फिल्ममा ३३ वर्षपछि चर्चित अभिनेता राजेश हमाल र सरोज खनाल स्क्रिन सेयर गर्दैछन् । जसले यसलाई अझ बढी आकर्षक बनाएको छ। दीवाकर भट्टराईको निर्देशनमा बनेको यस फिल्ममा हमालको ८ वर्षपछि पुनरागमन पनि हो।

फिल्मका प्रमुख भूमिकामा राज कटुवाल र सनिशा भट्टराई पनि छन्। ‘१२ गाउँ’ फिल्मबाट पहिचान पाएकी सनिशाको करिअरमा यो फिल्म एक महत्वपूर्ण माइलस्टोन साबित हुन सक्छ। त्यस्तै राज कटुवालले पनि यस फिल्ममा आफ्नो अभिनय र आकर्षक लुक्सबाट चर्चा बटुलेका छन् । जसको कारण यो फिल्म दर्शकका लागि एकदमै रोचक हुनेछ।

‘नरसिंहा अवतार’का लागि राज र सनिशाले एक विशेष फोटोशूट गरेका छन् । जसमा उनीहरूको केमेस्ट्री निकै आकर्षक देखिन्छ। सनिशा सेतो गाउनमा र राज कालो सुटमा देखिएका छन्। जसले फिल्मको रोयल लुकलाई प्रस्तुत गरेको छ। यो केमेस्ट्री फिल्ममा पनि झल्कने विश्वास गरिएको छ ।




Leave a Reply

Your email address will not be published. Required fields are marked *