गाजामा इजरायल र हमास बीच युद्धविराम सम्झौता लागू
तेल अबिब। गाजामा इजरायल र हमास बीच युद्धविराम सम्झौता लागू भएको छ। सम्झौताअन्तर्गत तीन महिला बन्दीको रिहाइको घोषणा गर्दै युद्धविराम लागू भएको हो।
पहिले हमासले रिहा गरिने तीन महिला बन्दीको नाम सार्वजनिक नगरेसम्म युद्धविराम लागू नगर्ने इजरायलका प्रधानमन्त्री बेन्यामिन नेतन्याहुले इजरायली रक्षा बललाई आदेश दिएका थिए।
स्थानीय समयअनुसार बिहान ११ः१५ बजे युद्धविराम लागू भएको छ । जुन पहिल्यै तोकिएको समयभन्दा केही घण्टा ढिला हो।
युद्धविराम लागू भएसँगै इजरायलका राष्ट्रिय सुरक्षा मन्त्री बेन-गिभिरले राजीनामा दिएका छन्। गिभिर युद्धविरामको कटु आलोचक थिए ।
Facebook Comment