काठमाडौं । मौसम विज्ञान विभागले आज कर्णाली प्रदेशका एकदुई स्थानमा हिमपातको सम्भावना रहेको बताएको छ। देशका बाँकी भूभागमा भने मौसम सामान्य र सफा रहने अनुमान गरिएको छ।

जल तथा मौसम विज्ञान विभागको मौसम पूर्वानुमान महाशाखाले दिएको जानकारी अनुसार आज राति कर्णाली प्रदेशको हिमाली क्षेत्रमा आंशिकदेखि साधारण बदली हुने सम्भावना छ। यस क्षेत्रका एक दुई स्थानमा हिमपातको सम्भावना रहेको छ । जसका कारण स्थानीयको जनजीवन प्रभावित हुनसक्ने चेतावनी पनि दिइएको छ।

यसै गरी, आज बिहान तराईका धेरै जिल्लाहरुमा हुस्सु र कुहिरो लागेको छ। उपत्यकामा समेत बिहानैदेखि हुस्सु र कुहिरो देखिएको छ । जसले गर्दा दृश्यता कम भएको र यात्रा गर्दा समस्या आउन सक्ने देखिन्छ। मौसम विज्ञान विभागले यस अवस्थाले सवारी यातायात र सामान्य जीवनमा असर पुर्‍याउन सक्ने भन्दै सतर्कता अपनाउन आग्रह गरेको छ।

मौसम विभागले थप केही दिनसम्म हिमपात र हुस्सुको प्रभाव रहने सम्भावना रहेको जनाएको छ, त्यसैले यस समयमा यात्रा र दैनिक क्रियाकलाप गर्दा ध्यान दिनुपर्ने बताइएको छ।