काठमाडौं। अमेरिकाको लसएन्जलस क्षेत्रमा डढेलोले फेरि उग्र रुप लिएको छ। हजारौं व्यक्तिहरूलाई जोखिमयुक्त क्षेत्रबाट सुरक्षित स्थानमा स्थानान्तरण गरिएको छ।

अहिले आगो कास्टिक तलाउ नजिकको पहाडी क्षेत्रमा फैलिरहेको छ, जहाँ धनी व्यक्तिहरूको बस्ती र विद्यालयहरू पनि रहेका छन्।

यो डढेलोले ८ हजार एकड भन्दा बढी क्षेत्रलाई जलाएको छ साथै तीव्र हावा र सुख्खा झाडीका कारण आगो थप तिव्ररुपमा फैलिएको छ ।

हालसम्म कुनै घर वा संरचनामा क्षति नपुगे पनि १९ हजार मानिसहरूले आफ्नो घर छाडेर सुरक्षित स्थानमा जानु परेको छ।

लसएन्जलस क्षेत्रको क्यालिफोर्निया राज्यमा डढेलो नियन्त्रणमा ल्याउन विशेष टोली परिचालित गरिएको छ।

यसअघि प्यासिफिक प्यालिसेड्स क्षेत्रबाट पनि ठूलो डढेलो फैलिएको थियो । जसले लसएन्जलसको शहरी क्षेत्रको ठूलो हिस्सा नष्ट गरेको थियो। त्यतिबेला २५ जनाको मृत्यु भएको थियो।