२० वर्ष अघीदेखि एनटिसी मा सुनिने अनुपमाको आवाज

२० वर्ष अघी अनुपामाले ३३ वर्षको उमेरमा रेकर्ड गरेको त्यो आवाज अहिले उनी ५१ वर्षको उमेरसम्म अैइपुग्दा पनि NTC प्रयोगकर्ताको मोबाईलमा उसैगरी बजिरहेको छ ।

पेशाले नेपाल विद्युत प्राधिकरणमा जागिरे उनले २०५८ सालतिर यो आवाज रेकर्ड गराएकी हुन् । त्यसबेला दूरसंचारले मोबाइल ल्याउने तयारी गर्दै गर्दा मिठो आवाजको खोजी भएको थियो । ‘मैले चिनेको एक जना दाइले जानकारी दिनुभयो तिमी पनि भ्वाइस पठाउँ भनेर,’ उनले भनिन्, ‘मेरो आवाज चयन भयो र रेकर्ड गरियो ।’

तीन दशकभन्दा विद्युत प्राधिकरणमा काम गरेसकेकी उनलाई टेलिकम पनि उत्तिकै प्यारो लाग्छ । ‘मेरो आवाजले मलाई टेलिकमसँग जोडेको छ,’ उनले भनिन्, ‘यसले प्रगति गर्दा मलाई मेरै संस्थाले प्रगति गरेजस्तै खुसी लाग्छ ।’