वासिङटन डीसी: अमेरिकामा नयाँ वर्षको आगमन शुभ समाचार लिएर आएन । जनवरी १ को राति न्यूयोर्कको क्वीन्स स्थित एक नाइट क्लबमा सामूहिक गोली प्रहार भएको छ। घटनामा कम्तीमा ११ जना घाइते भएको जानकारी प्राप्त भएको छ।

घटनास्थलको विवरण अनुसार क्वीन्सको अमेजुरा नाइट क्लबमा गोली चलेको थियो। यो घटनामा घाइते भएका कम्तीमा तीन जनालाई उपचारका लागि नजिकका अस्पतालमा पुर्‍याइएको छ। गोलीकाण्ड राति करीब ११ः४५ बजे जमैकामा स्थित अमेजुरा इभेन्ट हल नजिक भएको बताइएको छ।

त्यसपछि प्रहरी टोली तुरुन्तै घटनास्थलमा पुगेर अनुसन्धान सुरु गरेका छन् । नाइट क्लबको आसपासको क्षेत्रलाई आफ्नो नियन्त्रणमा लिइएको छ। घटनास्थल नजिकका सडकहरू पनि बन्द गरिएको छ।