काठमाडौं । आईसीसी यू–१९ महिला टी ट्वेन्टी विश्वकपमा आज नेपाल र अस्ट्रेलिया बीच प्रतिस्पर्धा भइरहेको छ । मलेसियास्थित क्रिकेट ओभल बांगीमा अस्ट्रेलियाले टस जितेर पहिले ब्याटिङ गर्ने निर्णय गरेको छ भने नेपाली टोली फिल्डिङको लागि मैदानमा उत्रेको छ।

खेल नेपाली समय अनुसार सवा १२ बजेबाट शुरू भएको छ। यो प्रतियोगितामा नेपालले उहिलेसम्म राम्रो प्रदर्शन गर्न सकेको छैन । दुवै खेलमा हार बेहोरेको छ। यसैले आजको खेल नेपालका लागि अत्यन्त महत्त्वपूर्ण मानिएको छ।

नेपाल दुई खेलमा अंकविहीन हुदै समूह चरणको पुछारमा छ भने अस्ट्रेलिया चार अंकका साथ समूहको शीर्ष स्थानमा रहेको छ। नेपालले सुपर सिक्समा स्थान बनाउने सम्भावना मात्र शेष रहेको छ। नेपालले स्कटल्यान्ड र बंगलादेशसँग दुवै खेलमा हार बेहोरेको थियो । नेपाली महिला क्रिकेटको इतिहासमा यो पहिलो विश्वकप रहेको छ।