काठमाडौं । नेपाल मेडिकल काउन्सिलको ७१औं लाइसेन्स परीक्षाको नतिजा निराशाजनक आएको छ। पुल्चोकस्थित नेपाल इन्जिनियरिङ अध्ययन संस्थानमा सम्पन्न यो परीक्षामा सहभागी अधिकांश परीक्षार्थी फेल भएका छन्।

नेपाल मेडिकल काउन्सिलका रजिष्ट्रार डा. सतिशकुमार देवका अनुसार एमबीबीएस र बीडीएसका लागि कुल ८४४ जनाले परीक्षामा सहभागिता जनाएका थिए। तर यसमा मात्र २६२ जना (३१.०४ प्रतिशत) उत्तीर्ण भएका छन्। ५६२ जना परीक्षार्थी (६८ प्रतिशत) अनुत्तीर्ण भएका छन्।

एमबीबीएसतर्फ ७७० जना परीक्षार्थीले फारम भरेका थिए । तर १७ जना अनुपस्थित थिए भने ७५३ जना परीक्षामा उपस्थित भएका थिए । जसमा २४१ जना
(३२.०१ प्रतिशत) मात्र उत्तीर्ण भए। यस समूहका सात जनाको नतिजा हाल रोकिएको छ।

बीडीएसतर्फ ९५ जनाले फारम भरेका थिए, तर ४ जना अनुपस्थित थिए। ९१ जना परीक्षामा सहभागी भए र २१ जना (२३.०८ प्रतिशत) मात्र उत्तीर्ण भएका छन्।

यो अत्यन्तै कम उत्तीर्ण दरले मेडिकल र डेन्टल कलेजहरूको शैक्षिक गुणस्तरमा गम्भीर प्रश्न उठाएको छ।